Израелските сили рано утринава го уапсија шеикот Екрим Сабри, имам на џамијата Ал-Акса, во неговиот дом во окупираниот источен Ерусалим.
-Израелските полициски и разузнавачки тимови ја опколија куќата на имамот, по што побараа од него да замине со нив, изјави роднина на уапсениот имам за агенцијата Анадолија.
Израелците не сакаа да ја образложат причината за апсењето, додаде сведок на апсењето, кој сакаше да остане анонимен од безбедносни причини.
Куќата на Сабри се наоѓа во населбата Ал-Савана, од која се пружа поглед на стариот град Ерусалим.
Израелските власти во минатото неколкупати го апсеа имамот и дури неколку месеци му забрануваа влез во Ал-Акса.