Мобилната единица за безбедност во сообраќајот на патиштата во текот на вчерашниот ден спроведе зајакната акциска контрола за санкционирање на возила кои непрописно престигнуваат на територијата на државава, при што санкционирани се 147 возачи. Од нив, 61 на територијата на СВР Тетово, а 25 непрописно престигнувале на територијата на СВР Охрид, соопшти Министерството за внатрешни работи.
Засилените акциски контроли, како што посочуваат од МВР, продолжуваат и во наредните денови.
Апелираат до сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.