Претседателот на САД, Барак Обама оваа недела на состанокот во Белата куќа ќе разгледа широк спектар на можности за решавање на кризата во Сирија.
Портпаролката на Стејт департментот, Џен Псаки истовремено изрази загриженост поради влошување на состојбата во Сирија.
-Претседателот ќе разгледа широк спектар на можности кои веќе се подготвени, а предвидени се и состаноци на кои ќе стане збор за состојбата во Сирија, која што на терен е се полоша. Тоа навистина е загрижувачко – изјави Псаки во Вашингтон.
Агенцијата „Ројтерс“ пренесе дека Белата куќа и државниот секретар Џон Кери можат да одлучат дали ќе им доставуваат оружје на сириските бунтовници.
САД и владите на други држави истражуваат дали во конфликтот режимските сили на Сирија користеле хемиско оружје, што според Обама би значело премин преку црвената линија.
Елена Георгиевска