За околу 78 милиони американци на сила е предупредување за студено време, а 27 милиони се под предупредување за силен студ и замрзнување.
Од минатиот викенд во САД поради последиците од бурата и ниските темпрератури починале најамлаку 38 лица. Властите претпоставуваат дека кај уште осум дополнителни смртни случаи се работи за последици од големиот студ, но уште се чекаат наодите од обдукциите.
Најкритична е состојбата во Тексас каде температурите и натаму се под или блиску до нулата, а огромен дел од населението е без струја и без греење. Гувернерот Грег Абот им порача на граѓаните дека ќе се обиде да го реши проблемот со недостатокот на струја.
Речиси 300 илјади семејства и компании во Тексас и натаму немаат струја. Дел од населените се обидува да се грее со помош на генератори, со дрва, а некои и спијат во автомобилите само за да им е потопло.
Властите ги предупредуваат жителите да не користат скари и греалки на пропански боци во затворени простории затоа што голем дел потоа доаѓаат во болниците затруени со јаглерод моноксид. Во Тексас во текот на оваа бура почнаа најмалку 10 лица.