На околу 1.200 лица во Србија, кои живеат во населбите по течението на Дунав им се закануваат поплави од бранот кој пристигнува од средна Европа.
Подготвен е план за евакуација на тие луѓе, а најголемиот бран на Дунав се претпоставува дека во Србија ќе влезе на 14-ти јуни, кога се очекува и еден од најголемите покачувања на нивото на реките во историјата.
-Состојбата на реките во Србија е под контрола и не се очекуваат големи последици од поплавниот бран кој доаѓа од средна Европа- изјави премиерот на Србија Ивица Дачиќ, на седницата на Републичкиот штаб, за вонредни состојби и изрази надеж дека нема да биде прогласена вонредна ситуација поради поплавите.
Елена Георгиевска