На лондонскиот аеродром Хитроу непосредно пред полетувањето полицијата запрела авион поради сомнеж за киднапирано дете. Полицајците од авионот кој бил на пат за Романија презеле четиригодишно девојче откако мајката пријавила дека детето и е одземено.
Мажот кој бил во авионот со детето бил изнесен и уапсен.
Полицијата користела камери за препознавање на регистарски таблички за да го утврди дижењето на автомобилот на осомничениот од Нотингам кој се движел низ Лондон. Преку податоци на граничната контрола полицијата открила дека осомничениот имал купени билети за лет за Букурешт.
„Авионот беше подготвен за полетување, но успеавме да стигнеме на време. Авионот се рати на терминалот, а човекот беше уапсен“ – објаснуваат од полицијата.
Осомничениот бил испрашан и пуштен со кауција, девојчето е вратено кај мајката.