Во владеачката коалиција нема политички несогласувања во врска со економијата, но постојат проблеми во приодите за решавања на тоа прашања, смета српскиот премиер Ивица Дачиќ.
-Тоа не се проблеми внатре во коалицијата, туку тие се однесуваат на цела Европа-истакна тој.
Дачиќ смета дека на Србија и е потребна потрошувачка, но и штедења, бидејќи тоа значи и развој и инвестициска потрошувачка, која ќе го зголеми растот на БДП-то.
Српскиот премиер нагласи дека владата ќе ја сочува економската и финансиската стабилност на државата низ намалување на непотребните трошоци и најави продолжение на разговорите во владината коалиција за економските мерки наредната недела.
Елена Георгиевска