Голем пожар избувна денеска во компанијата „Биоцел“ во индискиот град Тане, во државата Махараштра, само еден ден по трагедијата во градот Пуне, во истата држава, каде петмина работници вчера загинаа откако се запали објект на Институтот за серуми.
Компанијата „Биоцел“ е вклучена во зачувување и користење на матични клетки, собрани од плодовата течност при породување.
На местото на инцидентот се испратени пет противпожарни екипи. Засега нема информации за евентуални жртви, ниту е позната причината за пожарот.
Fire fighting operation underway at the site where a fire broke out in Wagle area of Thane. pic.twitter.com/xKO2AvCIcO
— ANI (@ANI) January 22, 2021
Несреќата се случи откако вчера пет лица загинаа во пожар во Институтот за серуми во Пуне, Махараштра. Објектот се наоѓа на само еден километар од објектот „Ковишилд“ за производство на вакцини.