На територијата на Сарај изречени се вкупно 65 мерки, меѓу кои за возење без возачка дозвола 15 санкции, во текот на вчерашниот ден во рамки на акциските контроли во областа на сообраќајот.
Како што денеска информираа од МВР, од вкупниот број санкции, седум се за технички неисправни и нерегистрирани возила, а девет санкции за користење мобилен телефон.
Засилените сообраќајни контроли продолжуваат и во наредните денови, посочуваат од МВР и апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.