25-годишниот Милан Лончар беше брутално убиен завчера, на неколку стотици метри од неговиот дом во градот Бруери, близу Филаделфија, додека го шетал своето куче.
Тој бил пресретнат на сред улица од двајца мажи кои се обиделе да го ограбат, а потоа пукале во него и го убиле.
Find these subhumans. Milan Loncar deserves justice. pic.twitter.com/A0NM1tPCIp
— BIG MAN ON CAMPUS (@JeffNadu) January 15, 2021
На видеото снимено од надзорните камери може да се види дека двајца мажи му се приближуваат на Лончар, едниот му се приближува од позади, додека другиот му се приближува со пиштолот во рака.
Отпрвин се чини дека мажите само му се закануваат на Лончар со пиштол за да им ги даде парите што ги има. Сепак, неколку секунди подоцна, еден од разбојниците пука во градите на младиот човек.
Тој започнува неконтролирано да се движи, го вади телефонот од џеб, веројатно барајќи помош. Во еден момент, младиот маж паѓа на земја и лежи неподвижно, додека неговото куче продолжило да стои покрај него.
Полицијата го пронашла Лончар малку подоцна, во локва крв и во полусвесна состојба. Иако бил ранет, како што велат истражителите, тој сепак го стегал поводникот на неговото куче.
Лончар веднаш бил пренесен во Универзитетската болница Темпл, каде и покрај сите напори на лекарите, починал.
Милан Лончар е по потекло од Србија, но пораснал и се школувал во Филаделфија. Лончар дипломирал на Универзитетот Темпл во декември 2019 година.