Лидерот на ЛДП, Чедомир Јовановиќ е во болница поради пневмонија на двете белодробни крила, додека тестот не покажал дека е позитивен на коронавирус.
Како што неофицијално потврдуваат извори блиски до Јовановиќ за B92, неговата здравствена состојба е тешка и комплицирана и тој има големи болки.
„Лекарите се сомневаат во белодробна емболија или воспаление на ‘рбетниот мозок“, наведува изворот, но напомнува дека досега не е утврдена причината за влошената состојба на Јовановиќ.
Друг проблем е високиот крвен притисок што лекарите се обидуваат да го намалат. Тој беше примен во КБЦ „Драгиша Мишовиќ“ во петокот затоа што му се слошило, а има проблеми и со цревата.
Јовановиќ беше задржан поради понатамошни прегледи со цел да се утврди дали проблемите се предизвикани од коронавирусот.
Тој е свесен, комуникативен, во стабилна состојба и не е приклучен на кислород.
Чедомир Јовановиќ беше заразен од коронавирус во јули, минатата година. Тогаш имаше тешко воспаление на белите дробови, поради што беше хоспитализиран на Инфективната клиника во Белград.