Акционерите на Фијат Крајслер (ФЦА) денеска изгласаа спојување со француската групација Пежо-Ситроен-Опел (ПСА), со што е создадена четвртата по големина автомобилска компанија во светот. Новата компанија ќе се вика Стелантис.
Извршниот директор на ПСА Пежо, Карлос Таварес и претседателот на Фиат Крајслер Џон Елкан, ја истакнаа „историската важност“ на спојувањето на компаниите (вредно околу 37 милијарди долари) кои „помогнаа да се испишат индустриските истории на САД, Франција и Италија“.
– Минуваме низ ера на промени во нашата индустрија. Веруваме дека следната деценија ќе ја редефинира мобилноста што ја знаеме сега. Ние и нашите партнери од ПСА имаме намера да играме водечка улога во градењето на иднината, таа идеја не здружи, рече Елкан на онлајн состанокот на акционери.
Новата компанија ќе произведува 8,7 милиони автомобили секоја година, а доколку ги задржи сегашните резултати на нејзините компании-ќерки, ќе има профит од над пет милијарди евра годишно.
Спојувањето беше договорено заради намалување на трошоците, но прашање е дали тие ќе можат да изградат бренд и да зачуваат работни места на пазар кој сè уште е под влијание на пандемијата на коронавирусот.