Вашингтон го демантира Чавушоглу: Нема работна група за С-400, санкциите кон Турција остануваат

Од:

Стејт департментот ги демантираше изјавите на турскиот министер за надворешни работи Мевлут Чавушоглу во врска со формирање на американско-турска работна група за набавката на рускиот ракетен систем С-400.

Портпарол на Стејт департментот истакна дека не постои таква работна група, додавајќи дека Вашингтон останува целосно посветен на спроведувањето на санкциите на CAATSA (Countering America’s Adversaries Through Sanctions Act). Како што тој објасни, има само рутински консултации за влијанието што санкциите ќе го имаат врз билатералната воена соработка.

– Не постои работна група за санкциите на CAATSA или за „истражување“ на заканите кои С-400 ги претставува за авионите-ловци Ф-35. Се спроведуваат рутински консултации на работно ниво за влијанието на санкциите врз актуелната воена соработка. Остануваме посветени на целосната примена на санкциите, како што најави министерот Мајк Помпео на 14 декември, изјави портпаролот.

Шефот на турската дипломатија утрово, повикувајќи се на неодамнешните санкции на САД, нагласи дека двете земји се согласиле да формираат заедничка работна група за разгледување на прашањето за С-400. Чавушоглу истакна дека Анкара е подготвена да преземе чекори за подобрување на билатералните односи со САД, изразувајќи надеж дека новата администрација на Џо Бајден ќе се придвижи во иста насока.

Би можело да ве интересира

Русија: Нема да се спасите, нуклеарна војна не смее да се случи бидејќи нема да има победници

Горан Наумовски

Паника во Америка: Изборните службеници добиле сомнителни пакети, случајот го истражува ФБИ

Хутите соборија уште еден американски дрон MQ-9 Reaper, десетти од почетокот на војната во Газа

Силен земјотрес ја потресе Турција

Горан Наумовски

ВИДЕО: Го натераа Џо Бајден да стави капа „Трамп 2024“

САД поддржуваат две постојани места за африканските земји во Советот за безбедност на ОН