Заев – нов лидер на СДСМ

Од:

Зоран Заев е новиот лидер на СДСМ. Мнозинството од делегатите на 14-от Конгрес на СДСМ одлучи дека тој е вистинсиот избор да ја раководи опозициската партија. Заев доби поддршка од 395 делегати, Зоран Јовановски доби 137 гласа, а Кире Наумов 15.

Заев во своето обраќање вети дека со него како лидер, СДСМ ќе ја победи ВМРО-ДПМНЕ.

„Со мене како лидер на СДСМ ќе го декласираме ВМРО-ДПМНЕ“, рече Заев.

Инаку, Бранко Црвенковски, остана на ветувањето и не прифати да биде кандидиран за претседателската функција.

Претседателот на иницијативниот одбор, Наум Буревски, го напушти Конгресот, бидејќи како што изјави, зад иницијативата Црвенковски да остане лидер, застанале 30 илјади членови на СДСМ.

Излагањето на Кире Наумов, беше во полупразна сала бидејќи дел од делегатите, ја напуштија просторијата.

Инаку за познавачите и присутните на Конгресот, ситуацијата беше јасна уште од почетокот на денешниот ден, кога во „Холидеј Ин“ Црвенковски влезе во придружба на Заев и Јовановски, а Наумов влезе сам.

Зоран Заев ќе седне во жешкото столче на Бихачќа, каде што го чека многу работа и обврски, пред се СДСМ да ја направи партија во која нема да има елитизам и поделби и ќе биде вистинска опозиција на власта.

Би можело да ве интересира

(ВИДЕО) Тренчевска: Насилникот од Охрид не е сам – проширување на истрагата и казни за сите што му помагале да се заташка

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

ВМРО-ДПМНЕ: СДС е спотер, а сватот на Али Ахмети акционер