Политичарите ќе бидат меѓу првите кои ќе се вакцинираат против Ковид-19, за да дадат позитивен пример за граѓаните.
Владиниот портпарол Душко Арсовски вели дека шом биде достапна вакцината во Македонија, во првите месеци на 2021 година први ќе ја примат лекарите и медицинскиот персонал, хронично болните, вработените во градинките и повозрасните од 65 години.
Тој вели дека се уште не е познато колкав број на вакцини ќе добиеме од Бугарија, Грција и Полска.
Арсовски вели дека земјава не чека само на донациите, туку навреме биле направени сите потребни чекори за обезбедување на вакцините.
833 илјади вакцини кои се обезбедени преку Ковакс системот се очекуваат во првите месеци од 2021 година.