Во Сирија пристигна првата пратка руски ракетни системи С-300, потврди во интервју за телевизијата Ал Манар сирискиот претседател Башар Ал-Асад.
– Втората пратка ќе пристигне набрзо – додава Ал-Асад.
Сирискиот претседател вели дека државата донела одлука да учествува на мировната конференција што ја подготвуваат Русија и САД, но од неа тие не очекуваат важни решенија.
Ал-Асад тврди во интервјуто дека соодносот на воените сили во Сирија се променил во полза на владините сили, кои во последно време според него, имаат големи успеси против терористичките формации, како што режимот ги нарекува опозициските сили.
Сирискиот лидер ги обвинува Турција, Саудиска Арабија и Катар дека со нивна поддршка во Сирија влегле околу 100 илјади платеници од арапски и други држави. Башар признава дека единици на либанската шиитска група Хезболах војуваат на страната на владините сили во пограничните региони во Либан.