Во Скопје се забележани 410 нови случаи на лица заразени со коронавирусот во изминатите 24 часа, а уште седуммина скопјани ја загубиле битката со Ковид-19, соопштија здравствените власти.
Меѓу починатите во изминатото деноноќие е и пациент на 30-годишна возраст, а останатите пациенти биле на возраст од 61 до 68 години, се вели во соопштението на Министерството за здравство.
Во изминатиот ден во главниот град оздравеле 295 лица, а во моментов се заразени 11.152 скопјани.
Од почетокот на пандемијата, вкупниот број на заразени во Скопје изнесува 31.101, според официјалните податоци.