Во акција на Европол низ Европа уапсени се 667 луѓе, разбиени се 25 криминални организации и запленети се дрога и допинг-супстанции вредни 73 милиони евра.
Европол ја координираше операцијата „Штит“ во обид да се запре производството на фалсификувани пари, лекови и допинг-супстанции, се вели во соопштението.
Во операцијата учествуваа полициски единици од Финска, Франција, Грција и Италија, во соработка со уште 27 други земји од Европа.
Акцијата траеше меѓу март и септември годинава, беа разбиени 25 банди и беа уапсени близу 700 лица и запленета е поголема количина лекови за рак, болка, вируси и други болести.