Голем шумски пожар избувна во реонот меѓу градовите Измир и Маниса. Поради огнот затворен е патот Истанбул – Измир.
Пожарот избувнал околу 14 часот и 30 минути по локално време, а силниот ветер набрзо го проширил огнот.
Во гаснењето на пожарот учествуваат голем број на противпожарни возила, а двата канадери ќе се вратат во Измир поради силниот ветер.
Во меѓувреме, турските медиуми јавија и за шумски пожар во реонот на летувалиштето Бодрум, при што три лица се повредени од вдишување на чад. Огнот стигнал до населбата Кадкалеси, каде има 540 вили, а голем број на туристи ги напуштиле вилите.
Во гаснењето на пожарот во Бодрум испратени се 15 противпожарни возила, голем број пожарникари и 50 шумски работници.
Поради силниот ветер морските бранови во Бодрум достигнуваат висина од пет метри.