Рафаел Надал е победник на Мастерс турнирот во Рим, откако во финалето го совлада бранителот на титулата Новак Ѓоковиќ со 2:0 (7:5, 6:3).
За шестата победа во кариерата на мастерсот во Рим на Надал му беа потребни два часа и 20 минути.
Финалниот меч требаше да се одигра во неделата, но поради дождот беше одложен за во понеделник.
Надал имаше помалку винери, но и многу помалку неизнудени грешки (20-41), а и подобро ги користеше шансите за брејк.
Со оваа победа, Рафа ја зголеми и предноста во меѓусебните дуели над Ѓоковиќ на 18:14.