Јас сум Македонец, кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет, напиша вечерва на својот Фејсбук профил, премиерот Зоран Заев.
Додава дека единствената разлика не е идентитетската, туку и таа во однос на различните погледи на светот.
-Но, етничката и идентитетска разлика не е единствената меѓу нас. Поважна и посериозна е разликата во нашите светогледи. Јас работам на доближување на ставовите околу разликите и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!, нагласува Заев во својот пост на Фејсбук.
Ваквата изјава следи откако претходно медиумите ја пренесоа изјавата на бугарскиот вицепремиер и министер за одбрана Красимир Каракачанов.
„По стар бугарски обичај, на Бугаринот му доаѓа паметот следниот ден, па така е и со колегата Заев“, изјави Каракачанов.
Во изјавата Каракачанов ги повторува ставовите дека станува збор за бугарска, а не за македонска историја.