Едно лице загина во тешка сообраќајна незгода што се случи попладнево околу 13 часот на регионалниот пат Струга- Дебар кај сточниот пазар.
Како што потврди портпаролот на СВР Охрид Стефан Димоски, се работи за 54-годишниот Б.М. од Струга кој управувал моторцикл.
– Во еден момент на него налетал автомобил марка „Пасат“ со струшки регистарски таблички управуван од 19-годишниот В.Е. од струшкото село Калишта. Од ударот, моторциклистот починал на лице место, изјави Димоски.
Полицијата изврши увид на местото на несреќата и се очекува да излезе со официјални детали за причините поради кои загина стружанецот.