САД се солидаризираат со Велика Британија и ја осудуваат депортацијата на двајца британски дипломати од Белорусија, соопшти денеска американскиот Стејт департмент.
-Овој произволен и неоправдан чекор од страна на белоруските власти е уште еден обид за прикривање на притискот и репресиите со кои белоруските граѓани, активистите и медиумските работници секојдневно се судираат во својата борба за демократија, се вели во соопштението.
САД продолжуваат со повиците до Минск да се престане со репресиите и да се послушаат барањата на белорускиот народ за организирање слободни и чесни избори под независен мониторинг.
Како што е веќе познато, властите на Белорусија завчера прогласија двајца британски дипломати за персони нон-грата и потоа ги депортира од земјата. Велика Британија утредента протера двајца белоруски дипломати како одговор на дејствата на Белорусија, нарекувајќи го таквиот чекор „целосно неоправдан“.