Во организација на Универзитетот „Св.Климент Охридски“-Битола и Техничкиот факултет-Битола по повод Светскиот ден на науката, денеска во Битола ќе се одржи Првата студентска конференција на тема „Техниката и урбаниот развој“.
Конференцијата ќе ја отвори проректорот на Универзитетот „Св.Климент Охридски„ проф. д-р Марјан Ѓуровски и претставници од организаторот и студенскиот парламент.
Првата студентска конференција на УКЛО, како што велат организаторите, е одговор на нужната потреба од размена на идеи помеѓу студентите, нивните професори и стопанствениците за влијанието на науката и техниката во решавањето на актуелните енергетски, сообраќајни и проблеми со одржливиот развој на градовите.
Инаку како интерфакултетска, конференција има едукативен и апликативен карактер со што се овозможува студентите да ги продлабочат своите знаења во областите од нивниот интерес, а од аспект на одржливиот урбан развој, има голема важност, а главна цел ни е „теренот и податоците да ги донесеме во лабораторија, додека науката да ја изнесеме на терен“.