Шестгодишното девојче, Лиана Желобајев од Ростов, секој ден оди на работа за да му помогне на болниот брат и да собере пари за лекови и операција.
Постариот брат Алекс (8) е роден со хидроцефалус, а семејството живее од социјална помош, па мајката не може сама да ги подмири сите трошоци за лекување.
-Мајката сама се грижи колку што може за сите три деца. Нашите социјални работници често го посетуваат семејството. Алекс научи да чита и пишува, но постојано оди на терапија и на семејството му е потребна голема материјална помош-изјави од социјалната служба, Елена Бондар.
Девојчето станува секое утро и собира брошури и весници,а а потоа на улица ги продава.
-Секој заработен денар го давам на мајка ми. Секако, нешто би сакала да потрошам и на слатки, но не можам-изјави малото девојче.
Елена Георгиевска