Додека сообраќајниот режим во Штип се менува, локалните власти како да заборавија дека улицата „Страшо Пинџур“ веќе со месеци е речиси непроодна.
Реконструкцијата на водоводната мрежа на улицата „Браќа Миладиновци“ е причината поради којапатот што води од Народниот театар во Штип до улицата „Страшо Пинџур“ е целосно раскопан, асанацијата две години се одложува.
Но, проблемите на жителите од оваа улица не завршуваат тука. Изградбата на нова станбена зграда, која започна пред повеќе од 8 месеци, дополнително го отежна пристапот. Поради несовесност на изведувачот дојде до одрони на дел од патот што ја спојува улицата „Страшо Пинџур“ со раскрсницата што води кон Клиничката болница во Штип, а тогашното раководство на општината ги премолчи овие случувања.
[nggallery id=189]
Градежните работи на новата зграда со месеци мируваат, но и понатаму стои заштитната ограда и забраната за движење на возила од секоја категорија. Жителите бараат некој да преземе одговорност за состојбата во која е доведена улицата.
И покрај најавите на локалните власти дека овој проблем ќе биде решен во блиска иднина, жителите со неверување ја примија оваа вест, бидејќи, како што тврдат, досега чуле безброј празни ветувања.