Град Скопје традиционално распиша конкурс за избор на професионална и аматерска фотографија со мотиви од Скопје и ги поканува професионалците, аматерите и учениците, вљубеници во фотографирањето да конкурираат согласно со утврдените критериуми.
Критериумите ги содржат следните точки:
- Мотивите на фотографиите да се од Скопје;
- Да се достават минимум 10, а максимум 50 фотографии со различни мотиви од Скопје, по избор на доставувачот на фотографиите;
- По желба на доставувачот, може да се доставуваат и дневни и ноќни фотографии;
- Доставените, односно пријавените фотографии да се во дигитален .jpg или друг формат, со висока резолуција
- Фотографиите не треба да бидат постари од 5 години
- Град Скопје го задржува правото за свои интерни потреби да ги користи сите пристигнати фотографии
- Изборот на фотографиите ќе го изврши специјална Комисија формирана од Град Скопје, според критериумите утврдени во Конкурсот.
На конкурсот ќе бидат доделени три награди за најдобра фотографија, односно:
Првата награда изнесува 50000 денари, втората 40000 денари и третата 30000 денари.
Конкурсот почнува денеска, 22.05.2013 година и ќе трае 15 дена од денот на објавувањето. Пријавите за Конкурсот што нема да бидат доставени во наведениот рок нема да бидат разгледувани.