На територијата на Град Скопје во текот на вчерашниот ден изречени се вкупно 411 санкции, меѓу кои 83 прекршоци за пречекорување на дозволената брзина на движење.
Министерството за внатрешни работи во рамки на засилените акциски контроли во областа на сообраќајот изрече 43 мерки за технички неисправни и нерегистрирани возила, 45 за возење без возачка дозвола, како и 69 казни за непрописно паркирање. Со „пајак“ се подигнати 61 возило, а 32 санкции се изречени за неносење заштитна маска.
Засилените сообраќајни контроли продолжуваат и во наредните денови, стои во соопштението од МВР во кое се апелира до граѓаните да ги почитуваат сообраќајните правила и прописи за да ја зголемиме безбедноста во сообраќајот.