Претседателот на Србија, Александар Вучиќ, денеска повтори дека неговата земја никогаш нема да воведе санкции за Русија, како што рече тој „иако е под притисок и се уште ќе биде под притисок“.
„Ние сме на пат кон Европската унија, но сепак, ќе ја зачуваме својата позиција и нема да ги расипеме односите со Русија“, рече претседателот на Србија во интервју за руската агенција Тасс, чиј дел беше емитуван.
Вучиќ исто така потенцираше дека и Србија била под санкции и како што рече тој „тие не претставуваат најдобри политики во меѓународните односи“.
„Србија плати висока цена, но тоа не вроди со добри резултати“, додаде Вучиќ.