Управата за јавни приходи врз основа на претходни пријави за нелегално приредување игри на среќа и малверзации кај познати обложувалници во Тетово, во попладневните часови почна засилени контроли на нивното работење. Контролите се водат со асистенција на МВР.
Од Управата за јавни приходи информираат дека според последните податоци од терен, поради нелиценцирано приредување игри на среќа затворена е нелегална обложувалница, од која е одземен целокупниот инвентар и опрема.
Поради финанскиски малверзации, нерегистрирање на прометот во готово и приредување недозволени игри на среќа, пет обложувалници добија времена мерка затворање и парична глоба која се движи до 6.000 евра, во зависност од прекршокот.
Активностите, како што е наведено во соопштението, на УЈП и МВР во Тетово продолжуваат.
