Обвинителот Арбр Исаку ќе биде заменик претседател на Советот на јавни обвинители во следните две години. Одлуката за избор на заменик-претседател на Советот на јавни обвинители на Република Северна Македонија е донесена вчера со мнозинство гласови.
Исаку ќе дојде на место на досегашниот заменик-претседател Меџит Јусуфи. Врз основа на одредбите на Законот за советот на јавни обвинители, мандатот на претседателот и заменик претседател на СЈО на РСМ е две години без право на реизбор. Воедно, Исаку оваа функција ја извршуваше и во период 2016-2018 година.
Исаку од 01.06.2004 година бил судски преведувач во Основен Суд Тетово. Од 18.06.2009 година до 22.12.2009 година бил советник во Владата, а потоа и советник во Собранието на Република Македонија. На 01.05.2016 година е избран за член на Советот на jавните oбвинители на Република Македонија, а на 22.09.2016 година е избран за заменик-претседател на Советот на jавните oбвинители на Република Македонија.