Ѕвездата на Пари Сен Жермен, Нејмар исто така изрази изненадување од начинот на кој Луис Суарез ја напушти Барселона.
Бразилецот, Уругваецот и Лионел Меси формираа ударно трио во нападот на тимот пред Нејмар да замине на „Паркот на принцовите“.
Сега Суарез беше принуден да се пресели во Атлетико Мадрид и од тројцата, само Аргентинецот остана со Каталонците.
– Неверојатно е како ги прават работите таму, напиша Нејмар во коментарот под објавата на Меси на Инстаграм денес, кој ја критикуваше управата на клубот.