Фатен разбојник во Скопје кој во последниве месец дена извршил две разбојништва во клубот за игри на среќа Мастер Бет во скопско Влае.
Станува збор за А.А. (34) викан Гринго кој во двете разбојништва успеал да собере скоро 8.000 евра. Разбојникот маскиран со фантомка и со пиштол во рацете, влегувал во казиното и од вработените барал да му ги дадат парите.
Гринго бил приведен бидејќи во вториот грабеж прерано ја извадил фантомката и ја ставил во џеб, при што го виделе случајни минувачи кои во тоа време, се движеле со својот автомобил. Тие веднаш го препознале, а полицијата го привела.
Приведениот има богато полициско досие полицијата против него поднела 22 кривични пријави од кои 17 се однесуваат на дела кои се проследени со насилство.
