Тетовската библиотека „Кочо Рацин“ од денеска продолжува да работи во рамки на редовното работно време од 8 часот наутро до 19 часот. Од почетокот на пандемијата од 13 март па до 6 јули библиотеката воопшто не работеше, а досега читателите можеа да позајмуваат книги само од 8 до 16 часот.
И понатаму се во примена посебните мерки и протокол за позајмување на книги.
-Потребно е задолжително носење маска, шал или марама кои го прекриваат пределот на носот и устата, одржување задолжително растојание од 2 метри помеѓу корисниците, вработените, како и помеѓу библиотекарите и корисници, дезинфекција на рацете пред влегување во библиотека, ограничување на бројот на корисници во библиотеката, информираат од установата.
Книгите кои ќе се вратат не можат веднаш да се изнајмат и се остваат 3 дена (72 часа) во карантин во библиотеката и се евидентирани кај читателот кој ја оставил.