Повторно гори депонијата кај „Борис Трајковски“, црниот чад и лошиот мирис се шират низ Карпош

Од:

Дивата депонија во близина на спортскиот центар „Борис Трајковски“ повторно е во пламен, а густиот чад и лошиот мирис се прошири низ Карпош.

Огнот зафатил отпад кој е натрупан на земјиштето, но и дрвја. Депонијата се наоѓа кај кејот на реката Вардар и е на два километри од центарот на Скопје.

На терен се испратени екипи од Територијалната противпожарна бригада на Град Скопје, но се чека механизација од општината и од Град Скопје за да се расчисти отпадот. Се работи за градежен шут и отпад.

Пожарот е пријавен во 08:10 часот утринава, а интервенираат девет пожарникари со три возила.

– Чекаме механизација од општина Карпош и од Град Скопје за да се расчисти депонијата, бидејќи вака тешко ќе се изгаси пожарот, изјави командантот на Територијалната противпожарна бригада на Град Скопје, Владимир Симоновски.

Проблемот со оваа депонија не е нов за надлежните органи. Ова место гореше и во април минатата година, кога градоначалниците на Скопје и Карпош, Петре Шилегов и Стефан Богоев, кажаа дека депонијата е стара 50 години и немаат капацитет да ја исчистат. Таму, со години наназад, отпад носеле камиони на „Комунална хигиена“, но и општинските служби. Депнијата потоа беше исчистена.

Депонијата гори од околу осум часот утринава, сведочат граѓани кои го виделе и пристигнувањето на противпожарните екипи.

Би можело да ве интересира

Догорче од цигара причина за пожарот во ГОБ „8 Септември“, нема повредени

Пожар во болницата „8 Септември“ во Скопје, пациентите се евакуираат

Горан Наумовски

Пожар во подземниот паркинг на КАМ мол во Ѓорче Петров, евакуирани посетителите

Горан Наумовски

Изгорен стан во Белград, во ходникот пронајдено тело на 55 годишник

А1он

Двајца пожарникари загинаа додека гасеа пожар во близина на Атина

Нема повредени при запалените куќи на Бит-пазар, полицајци сѐ уште присутни на лице место