Сојузот на борците од Штип, заедно со Општина Штип, денес го одбележа 9 Мај-Денот на победата над фашизмот.
Делегации од локалната самоуправа, борци, претставници на политичките партии и граѓаните, денес положија свежо цвеќе на спомен-бистата на командантот на НОВ и ПОМ, генерал Михајло Апостолски.
Свое обраќање кај Алејата на борците имаше претседателот на Сојузот на борците на Македонија- Штип, Трендафил Атанасовски.
Свежо цвеќе беше положено и пред меморијалниот споменикот на револуцијата, кој се наоѓа на Исарот, а градоначалникот на Штип, Илчо Захариев, одржа пригодна реч по повод Денот на победата над фашизмот.