Честитајќи го Денот на победата, рускиот претседателот Владимир Путин од Црвениот плоштад порача дека Русија ќе направи се за да ја засили безбедноста на планетата.
Путин, кој е и главенкомандант на војската на Руската федерација, истака дека руски војник, не жалејќи се себе си, ја ослободил Европа од фашизмот и дека народот засекогаш ќе го памети по тоа.
По Црвениот плоштад во рамките на воената прошетка поминаа повеќе од 11 илјада војници.
Во прошетката која што ја раководеше командантот на руската Копнена војска, генерал-полковник Владимир Чиркин учествуваше 101 воено возило и 68 авиони и хеликоптери на руската воена авијација.
На прошетката на плоштадот присуствуваа ветераните на Црвената армија, претседателот Владимир Путин, премиерот Димитриј Медведев и други официјални лица.
Елена Георгиевска