Франција го регистрира првиот случај на новиот вид на коронавирус (вирус што наликува на тешкиот акутен респираторен синдром САРС), пренесен од Блискиот исток, кај лице кое неодамна се вратило од Обединетите Арапски Емирати, соопшти денеска Министерството за здравство.
Министерството соопшти дека е покрената истрага поврзана со тоа што се нарекува прв и единствен потврден случај на новиот вирус во Франција, пренесоа агенциите.
Пациентот е ставен во изолација. Низ светот се забележени 30 лабораториски потврдени случаи на овој вирус, вклучувајќи ги и 18-те смртни случаи, од септември кога вирусот го предизвика вниманието на научниците, соопшти Светската здравствена организација.