Европската Комисија сѐ уште не реагирала официјално на формирањето на новата влада во Северна Македонија, но еврокомесарите на своите Твитер налози упатија свои пораки.
Еврокомесарот за проширување, Оливер Вархеји, порача дека „со нетрпение“ очекува да соработува со новата влада на премиерот Зоран Заев на потребните реформи за ЕУ интеграција.
#NorthMacedonia: I look forward to working with the new government @VladaMK of @Zoran_Zaev on EU related reforms and priorities, in the interest of citizens. It’s important that all forces in society work together towards this goal, in view of the progress on the path to the #EU.
— Oliver Varhelyi (@OliverVarhelyi) August 31, 2020
-Важно е сите сили во општеството да работат заедно кон оваа цел на остварување напредок на патот кон ЕУ, напиша Вархеји.
Поранешниот еврокомесар за проширување, Јоханес Хан, кој беше посебно инволвиран во процесот на отпочнување преговори за членство со ЕУ во минатиот мандат на Европската Комисија, изрази задоволство со новиот владин состав.
In the interest of the country, its citizens + also again as a model for the entire region it’s important to create now a constructive atmosphere amongst political players when it comes to pursue common #European goals. 2/2
— Johannes Hahn (@JHahnEU) August 31, 2020
-Добро е што повторно гледаме влада со јасна европска агенда на функција! На премиерот Зоран Заев и неговиот тим им посакувам сѐ најдобро. Во интерес на земјата, на граѓаните и повторно како модел за целиот регион, важно е да се создаде конструктивна атмосфера помеѓу политичките чинители кога станува збор за исполнување на заедничките европски цели, напиша Хан на својот Твитер налог.