Чешкиот министер за надворешни работи, Карел Шварценберг, денеска повторно беше „фатен“ од камерите како спие во јавност и тоа на седницата на Долниот дом на Парламентот, на која првпат се обрати неодамна избраниот претседател Милош Земан.
Земан, кому Шварценберг му беше ривал при претседателските избори не пропушти јавно од говорницата да го искритикува шефот на чешката дипломатија.
Не очекувајте од мене дека јас ќе бидам службеник кој ќе дојде во Замокот, ќе навлече црни ракави и ќе потпише се што што ќе му се даде без да прочита, рече Земан додавајќи дека доколку пратениците сакаат некого кој „добро ќе се најаде и потоа ќе заспие“ требало да одберат некој друг, пренесуваат медиумите.
Шварценберг, пред новинарите негираше дека спиел и рече дека само се обидел да се одмори.