Граѓани се јавија во редакцијата на „Плусинфо“ да информираат дека во продавницата за свеќи во Соборниот храм во Скопје, во саботата вечерта во пресрет на празникот Велигден, кога купувале свеќи, им биле делени и налепници на кои пишувало „Секој треба да има три деца“, објави Плусинфо.
Истата информација ја потврдија и од свеќопродавницата во Соборниот храм, меѓутоа, не знаеја да кажат кој им го доставил промотивниот материјал и од која причина. На булеварот Партизански одреди пред Соборниот храм, во саботата вечерта покрај лушпи од јајца, расфрлани беа и ваквите налепници во форма на летоци.
Свештеникот Горан кој бил присутен вечерта во храмот, за Плусинфо телефонски изјави дека не е информиран дали имало такви налепници во црквата, но доколку навистина постоеле, тогаш демантираше било каква поврзаност на црквата и на свештениците со нивното делење.