Градоначалникот на општина Центар, Андреј Жерновски, и во кампањата ни и деновиве е цел на жестоки напади и обвинувања од познат уредник на телевизија со национална концесија.
Во неделното интервју за Радио Слободна Европа Жерновски, на прашањето како реагира на нападите во провладините медиуми и црната пропаганда што му се правеше до изборот и по него, рече дека има интересни работи, односно дека некои новинари имале бизниси кои ги развиле во времето на Тодоровиќ и дека кога ќе се направи ревизија од меѓународна ревизорска куќа јавноста ќе дознае сè за финансиите во општината, бизнисите во неа и особено за проектот Скопје – 2014.
А1он дознава дека член на потесното семејство на уредникот го имал речеиси комплетниот бизнис со осветлувањето во Центар, и дека добивајќи повеќе од 90 проценти од тендерите, фирмата инкасирала повеќе од солидна сума на пари од општината.