Канада дава поддршка на израелските воздушни напади на военото складиште во Сирија, во кои наводно се наоѓаат ракети наменети за либанскиот Хезболах, изјави во интервју за „Си ти ви“, шефот на канадската дипломатија, Џон Берд.
-Во интерес на сите држави е да не се дозволи тешко оружје да падне во рацете на екстремистите на Хезболах. Хезболах е меѓународна терористичка организација која го напаѓа цивилното население и се заканува дека ќе дојде во помош на режимот (сирискиот претседател Башар) Асад во војната против сиријскиот народ-истакна тој.
Берд истовремено одби да одговори на прашањето дали Канада ќе им се приклучи на своите сојузници доколку се одлучат на слични воени акции во Сирија.
Елена Георгиевска