Клаудио Браво, голманот на репрезентацијата на Чиле, ги напушти редовите на Манчестер Сити по четири години.
Браво дојде во Сити од Барселона во 2016 година, а од „Етихад“ заминува по истекот на неговиот договор.
Тој беше меѓу првите играчи што тренерот Пеп Гвардиола ги донесе во Сити. Со клубот, тој освои две титули во Премиер Лигата, два Лига Купови и два трофеи од „Комјунити Шилд“.
– Благодарни сме на Клаудио на четирите години што ги помина во клубот и му посакуваме среќа во продолжението на неговата кариера, изјавија од Манчестер Сити.
Браво (37) одигра 61 натпревар за Сити, од кои најмногу играше на натпревари во Купот, по лошите игри во првата сезона во клубот. Во втората сезона во Сити, тој стана резерва за Бразилецот Едерсон.
Браво успеа да ја зачува својата мрежа на 20 натпревари.
Тој одигра 123 натпревари за репрезентацијата на Чиле.