„Ќе покажеме зрелост, трезвеност, големина и достоинство прво внатре во партијата ако сакаме тоа да го пласираме надвор пред цела Македонија. Многу е рано да зборувам кои се сериозни фаворити или не. Навистина ги почитувам сите мои сопартијци и знам дека тоа треба да биде многу внимателно и на достоинствен начин финиширано некаде на 3 јуни“, вели Зоран Заев, актуелен потпретседател на СДСМ и кандидат за лидер на партијата за актуелните случувања во најголемата опозициска партија.
Заев додава дека има добри кандидати кои можат да ја водат партијата и дека тој е еден од нив, но со правилникот ќе се дојде до конечната бројка на кандидати со кои ќе се настапи на конгресот.
