Палестинците може да одобрат мала размена на територии како дел од финален договор со Израел, но нема да го признаат како „еврејска држава“, изјави палестинскиот претседател Махмуд Абас на прес конференција синоќа во Рамала со српскиот претседател Томислав Николиќ.
Катарскиот премиер шеик Хамад бин Џасим ал Тани изјави во Вашингтон дека Арапската лига е согласна со идејата за размена на територии за да се олесни мировниот договор меѓу Палестинците и Израел.
Абас нагласи дека Палестинците би можеле ако се побара, да одобрат мала промена на границите, но се уште настојуваат за палестинска држава во границите од 1967 година со главен град Источен Ерусалим. Николиќ изјави дека Абас го информирал за напорите за обнова на мировниот процес со Израел и додаде дека меѓународните напори за тоа се движат во правилна насока.