Бројот на загинати при уривањето на осумкатницата во Бангладеш на 24 април достигна најмалку 387 лица, пренесува ДПА, повикувајќи се на локалните власти.
Околу 600 лица се уште се водат за исчезнати, а 2.400 се повредени. Спасувачките екипи денеска открија уште пет тела. Во урнатата осумкатница во Савар, на 25 километри северозападно од главниот град Дака биле сместени пет шијачки работилници, продавници и банка.
Вчера илјадници текстилни работници во Багладеш излегоа на улични протести со барање за мртни пресуди за сопствениците на урнатата зграда.
Мохамед Сохел Рана, лидер на младинската организација на владејачката партија Лига Авами завчера е приведен од страна на елитниот полициски батаљон за брза интервенција во пограничниот град Бенаполе. Претходно беа уапсени двајца менаџери на фабриката каде се шиела евтина облека, двајца инженери и сопругата на сопственикот на осумкатницата.
Ирска компанија за трговија со облека „Прајмарк“ соопшти дека ќе исплати компензации за настраданите. Еден од дистрибутерите на компанијата го зел под наем третиот кат на зградата во Савар.
„Прајмарк“ заедно со невладини организации укажуваат помош на настраданите и има намера да исплати отштети на семејствата на загинатите, кои работеле во компанијата дистрибутер.
Канадската компанија „Лобло“ исто така ја објави вчера намерата да ги обештети семејствата на загинатите работници на нејзиниот дистрибутер.
Текстилната конференција е основен столб во економијата на сиромашната азиска држава. Во секторот се вработени најмногужени за помалку од 40 долари на месец.