По барање на вознемирените и загрижени граѓани кои живеат на улицата „Орце Николов“ бр. 90, Градоначалникот на Општина Центар Андреј Жерновски, заедно со надлежните служби од Општината, извршија увид каде што е констатирано оштетување на електричен столб.
Исто така утврдено е и оштетување на разводниот ормар за електрична енергија на локација кај Градскиот парк и други места.
На двете локации констатирано е дека отворените необезбедени жици за напојување на електрична енергија, ја доведуваат во прашање безбедноста на граѓаните, а уште позагрижувачки е што ваквата состојба трае веќе неколку месеци.
По констатација на состојбата, Градоначалникот Жерновски, се обврза во најкраток можен рок да го реши проблемот, се со цел да се заштитат граѓаните.
