Борби избувнаа вчера во комплекс во близина на Дамаск, поврзан со сириската програма за хемиско оружје. Тоа се случи на третиот ден од офанзивата на владините војски за протерување на бунтовниците од главните реони на престолнината.
Борбите се водат во близина до Научно-истражувачкиот центар, што се наоѓа во подножјето на планината, во северното предградие Барзех, соопштија опозициски извори од Дамаск.
Барзех е едно од неколкуте работнички предградија, што се претворија во упоришта на бунтовничките сили.
Во Барзех во изминатите три дена беа убиени најмалку девет лица, а над 70 се повредени, главно како резултат на артилериска стрелба.