Четири лица загинаа при уривање на мост, во близина на градот Ајутај на Тајланд, на околу 70 километри северно од Бангкок.
Началникот на полицијата, Јиткасем Сонка изјави дека неколку моторциклисти паднале во реката Пасак, откако попуштил мостот и веднаш се урнал, при што загинале четири лица, а 12 се повредени.
Јиткасем наведе дека мостот е изграден пред неколку години за потребите на пешаците и помалите возила, но подолго време не се одржувал.
Тој додаде дека истражителите не веруваат дека за време на несреќата мостот бил преоптеретен, но бил во лоша состојба.
Елена Георгиевска